Maktabgacha ta'lim

Maktabgacha ta’lim yo‘nalishi zamonaviy pedagogik yondashuvlar asosida yuqori malakali mutaxassislarni tayyorlashga qaratilgan. Dastur davomida talabalar bolalarning yosh va individual xususiyatlarini inobatga olgan holda ta’lim-tarbiya jarayonini samarali tashkil etish ko‘nikmalarini egallaydilar.

Shuningdek, ular maktabdan tashqari ta’lim muassasalarida ixtisoslashtirilgan fanlarni o‘qitish, o‘rta maxsus va kasb-hunar ta’limi tizimida faoliyat yuritish hamda ijtimoiy-gumanitar yo‘nalishdagi ilmiy-tadqiqot loyihalarida ishtirok etish imkoniyatiga ega bo‘ladilar.

Talabalar didaktik materiallar ishlab chiqish, innovatsion pedagogik texnologiyalarni qo‘llash va bolalarda ijodiy hamda tanqidiy fikrlashni rivojlantirish bo‘yicha chuqur bilimlarga ega bo‘ladilar.

Karyera imkoniyatlari

Bitiruvchilar quyidagi sohalarda faoliyat yuritishlari mumkin:

• maktabgacha ta’lim tashkilotlarida pedagog va tarbiyachi;
• maktabdan tashqari ta’lim muassasalarida o‘qituvchi;
• o‘rta maxsus va kasb-hunar ta’limi tizimida mutaxassis;
• ta’lim tashkilotlarida metodist yoki loyiha koordinatori;
• ilmiy-tadqiqot markazlarida ilmiy xodim;
• ta’limni boshqaruvchi davlat organlarida mutaxassis.